Per ti vester al gran trafich y abiné soluzions per n turism che respetea la natura y la cuntreda à i trëi Che- muns de Gherdëina deberieda cun la Lies per l turism y l Cunsorz di mplanc portamont metù su l “Zënter de mubiltà de Gherdëina“. Cie che n uel
Davia che Gherdëina uel jì de viers de n turism plu balanzà ora, an udù ite l debujën de fé zeche per ressolver la problematica dl trafich te nosta valeda. Aldò de n val- guna nrescides che ie unides fates sibe danter la jënt de Gherdëina, che nce danter i seniëures, an udù ite che sciche majer problem vëniel valutà l trafich y dut cie che reverda la mubiltà. Nscila iel unì metù su l “Zënter de mubiltà de Gher- dëina“, che vën finanzià dai trëi chemuns dla valeda deberieda cun la trëi Lies per l turism y l Cunsorz di mplanc portamont. L zënter à si sënta tl ufize de “DOLOMITES Val Gardena Marketing“ tla Cësa de Che- mun a S. Cristina.
L fin dl zënter ie chël de studië l trafich y de se muever aldò per vester boni de l smendré. N cialerà de lauré ora soluzions per crië de bona alternatives al trafich di auti privac, sibe tres i mesuns de trasport publics che nce tres la furnadoies o ideies de mubiltà nueves. N cialerà nce de sustenì n turism ulache i seniëures se fërma plu giut – sta de plu dis – tl medemo post ne tulan nia ca l auto. I proiec unirà nce laurei ora cun n uedl ala puscibltà che l vënie a se l dé i campionac mondiei de schi dl 2029 te Gherdëina, cialan de garantì na mubiltà adateda a chësta manifestazion.
L respunsabl nciarià Martin Resch à scuencià si lëur a mez jené y te chësta enes al fat nrescides y metù sun mëisa la situazion dl mumënt per cie che reverda la mubiltà, danter l auter al nce studià plu avisa l sistem dl skibus. L njenier Helmuth Moroder à giapà la ncëria de abiné adum dai trëi chemuns de Gherdëina duc i pr iec che à da nfé cun la mubiltà, sciche per ejëmpl la furnadoies, la stredes de zircun- valazion y la ferates.
Ai 2 de merz iel pona unì a s’l dé la prima ancunteda deberieda cun i ambolc, i pre- sidënc dla Lies per l turism y dl Cunsorz di mplanc portamont. Te chëla ucajion iel unì purtà dant l lëur fat nchina śën cun na bela prejentazion di proiec. L njenier Helmuth Moroder à nce dat ju na si minonga n cont dl utl per Gherdëina y sambën nce n cont dl sparani de CO2. Nvià ala senteda fovel nce Gerhard Vanzi che à prejentà l proiet “Low emission zone” che reverda i jëufs dla Dolomites. Presënt fova nce Martin Vallazza, l diretëur dla Repartizion Mubiltà dla Provinzia de Bulsan che à presentà l “Landesmobilitätsplan für nachhaltige Mobilität und Logistik in Südtirol”. La istituzions se tol śën n valguna enes de tëmp per prejenté la valutazions a si jontes y fé ora coche n uel se muever inant per pudëi pona nce lauré ora n masterplan per la mubiltà.
Martin Resch y Helmuth Moroder lëura per l “Zënter de mubiltà de Gherdëina“ cun l fin de lauré ora proiec nueves per na miëura mubiltà y manco trafich te Gherdëina.