Nce chëst ann iel inò unì metù a jì la scumenciadiva Shop & Art a Urtijëi. Bën 34 artisć y 34 butëighes à fat pea.
L’edizion da chëst ann ie la segonda y la ie inò drët garateda cun truepa bela opres d’ert tla vetrines de nosc luech. La scumenciadiva ie unida metuda a jì dal Chemun de Urtijëi y dala Lia per l turism deberieda cun la Lia artejanat artistich, l'Unika y la Lia di buteghieres, cun l sustëni dla Raika Gherdëina che à metù a despusizion i pesć.
L fova da vëncer te doi categuries, una cun na giuria metuda adum da Igor Comploi coche presidënt de giuria y dai artisć Aron Demetz y Robert Bosisio y l’autra dal publich. Ala fin à venciù l pest dla giuria Valeria Stuflesser cun la butëiga Scudela, dan Helene Demetz cun Athesia y Sara Welponer cun l’apotech Sella.
Veronica Caterisano cun la butëiga Maiadiva à venciù l pest dl publich. N gran cumplimënt ti va a duta la butëi ghes y a duc i artisć che à fat pea.
L prim pest dla giuria fova n bon de 2.000 euro (1.000 euro per l artist y 1.000 per la butëiga), l prim pest dl publich 1.000 euro (500 prum). Sëuraprò iel stat na estrazion de 3 bons da 200 euro danter duc chëi che à fat pea y à dat ju la stima.
Duc i pesć ie unii dac ora coche dala scumenciadiva da Nadel „Dut l bon“, l se trata de bons da spënder tla butëighes che fej pea pra „Dut l bon“.