Te duta la valeda vëniel chësc instà inò metù a jì plu proiec defrënc y enes de devertimënt per la mutans y i mutons.
L ”Instà vif”, n proiet metù a jì dal’asses- sëura per la families dl Chemun de Urtijëi Martina Comploi y dal assessëur per l sport Janpiere Prugger, deberieda cun la lies y cun l sustëni di autri chemuns dla valeda, va chësc instà te si cuinta edizion. L proiet “Pavël” y l proiet “Sakl” vën inò metui a jì dala lia VKE y dala Nëus Jëuni Gherdëina cun n aiut di chemuns per l finanziamënt y pieta sambën ënghe inò de bela enes d’instà cun d’uni sort de ativiteies. Doi d’autri proiec nce per i plu pitli vën metui a jì dala scolina dl bosch y dal Proiet Gaia y pieta enes de devertimënt dantaldut tl bosch y fajan damat alalergia. Plu nfurma- zions sun uni proiet possen udëi tlo dessot. Rengrazion la lies y duc chëi che juda pea a mëter a jì i proiec y ti mbincion n instà plën de devertimënt a duta la mutans y a duc i mutons y a si families!
