Te n valguna stredes de Urtijëi vëniel de mei baratà ora la vedla lumes y metù su de nueves.
De mei scumencerà i lëures per mudé ora truepa lumes de streda che ie vedles y melciafiedes. La firma Rottensteiner, che à giapa da fé chisc lëures, fej al savëi che n fajerà na streda al iede y che ntan i lëures unirà destacà l strom tla streda, nscila che l sarà scur da sëira sun l tòch ulache n fej i lëures. L vën perchël prià bel de mëter a verda a jì a pe canche l ie scur. Lecurdon mo n iede la stredes ulache l unirà mudà ora la lumes: Mureda, Lip, Resciesa, Pinoi, Scurcià, Bataian, Costes, Nevel, Stazion, Tavela y Cuca.