Do l instà an scumencià a fé de plu lëures tl chemun de Urtijëi. Tlo nen prejentons n valguni
Ega nëta y idranc per Sacun
L mplant dal’ega da bever “Lagustel“ per Sacun vën fat da nuef. Leprò vëniel metù ite idranc nueves. L proiet unirà scrit ora pernanche la va. N vënderdi ai 14 de utober 2022 à l’ami nistrazion dl chemun de Urtijëi prejentà tla ustaria Somont l proiet de renuvamënt dl mplant dal’ega da bever “Lagustel”. L proiet vëija dant de fé da nuef dut l egaduz da Sacun. La va de pië su l’ega nia dalonc dal Lech da Lagustel y de la auté ju tres l bosch te doi resservares che vën fac da nuef. Tres l luech da Sacun passa la roles ju per streda y via pra uni cësa. L vën nce metù ite idranc contra l meldefuech, che mancia dassënn sa Sacun. Ntan la prejen tazion ai zitadins da Sacun à l njenier Plattner respundù a truepa dumandes y l ie nce unì fat ora i tëmps de can fé chësc proiet, per unì a una cun la jënt che sta iló. “N scumencerà d’ansciuda y do na paussa ntan l instà fajeran inant d’autonn. L pro iet unirà tosc scrit ora, speran che l sibe nce te chisc tëmps firmes che pieta pea per fé l lëur“, nsci l assessëur cumpetënt.
Lëures sun plaza Sant Antone
Dan vel’ ena à scumencià sun plaza Sant Antone i lëures per baraté ora la rola dal’ega da bever. Sun la majera plaza dl luech passa na rola dal’ega da bever scialdi vedla. Chësta muev dala Cassa dl Sparani y va via nchin tl cianton dl Haiti dan pië ju per la streda Pedetliva nchin ala Cësa dla Telecom. La rola ie melciafieda y vën perchël barateda ora. L ie do la rata n gran lëur, śën d’autonn uniral laurà inant nchin che l se lascia fé y pona fajeran inant d’ansciuda. Leprò vëniel metù ju na majera rola per pië su l’ega dla plueia che vën dala streda Rezia ju. Chësta eghes vën autedes via te ruf. Danter la dlieja de Sant Antone y la butëi ghes dal’autra pert vëniel nce baratà ora l vedl salejà che fova scialdi melciafià. Nce la plates danterite sarà nueves, les vën metudes ju a na maniera che l dessëni sun fonz reste avisa coche l fova dant. La pla tes sarà plu grosses che tën plu permez. I lëures vën fac drët a puntin dala firma Porfidi Alto Adige.
Furné segures sa Sacun
Tl tòch dla streda Sacun danter la Cape- la di tumei nchin ala cësa Plajes vëniel fat lëures de ressanamënt y l vën cuncià su i mures. Te chësc tòch ie la streda ërta y sotjù iel n rone mo plu ërt nchin pra ruf. L mur che tën su la streda ie scialdi vedl y l dà sëura sun n crëp de sablon cueciun che se desfej y manacia de unì ju. L assessëur ala stredes Rudi Kostner spiega che n ie tl lëur de seguré dut cant cun micropei, furan ju a na maniera che n ruve ju nchin tl bon crëp che tën permez. Dansù vëniel pona sprizà su peton, metù ite pontes acioche dut stebe su y cialà che la stabilità y la segurëza sibe garantides. L ie n lëur ncomper, l ie ërt y periculëus, ma cun la mascins de al didancuei se lascel fé. Leprò vëniel slargià l tretuar de viers de ruf a 2 metri de larghëza y fat na sief, davia che truepa jënt passa iló su y ju a pe. La streda resterà for davierta, ma mé te una na direzion y l trafich unirà regulà cun n semafer. N puderà for passé. Chëi che va a pe possa ntan i lëures passé do calonia ju per la sceles. Chisc lëures ne unirà nia finei d’autonn, ma n cialerà de fé gran pert y de finé via pona d’ansciuda.
Na cabina dal strom per la streda Grohmann
L ridl ntëur la streda Grohmann ie ti ultimi ani chersciù dassënn, l ie unì fat cëses nueves y l fova na ciarestia de strom. Perchël an messù fé da nuef la cabina dal strom, tl medemo post ulache la fova, ite tla tiera acioche n vëije daldò mé la porta y la ne sauta nia tl uedl. Chisc lëures ie
L troi da Martin ju
N tòch dl troi nr. 9 che va da Martin ju te Val d’Ana ie unì cumedà su. N l à fat man co ërt y l ie śën plu lerch y saurì da jì. N bon lëur fat dala stazion furestela y paià dal chemun de Urtijëi!
Raida plu lergia dal Zirm
L ie unì fat da nuef l mur bas tla raida danter l Zirm y la cësa Bruma. La streda ie nsci unida slargëda de n vint/trënta zentimetri. L ie dessegur na bona cossa te chëla raida che ie for stata strënta y ncom pra.muec śën d’autonn y finerà via de nuvëmber.
