L Chemun de Urtijëi, cun i assessëures Martina Comploi y Janpiere Prugger y deberieda cun i autri chemuns dla valeda, à inò metù a jì l proiet Instà vif per chësc instà.
Deberieda cun cin lies, l FC Gherdëina, l Schiclub, l Tennisclub Urtijëi, La Vëta y Rodes Gherdëina, uelen inò ti pité na puscibltà sëuraprò per fé sport y vester creatifs ntan l instà. L proiet va dai 16 de juni nchin ai 29 de agost y pieta ndut 18 enes de ativiteies. Cun chësc instà van tla cuinta edizion dl Instà vif. N possa se scrì ite dai 14 de auril dala 8 da sëira inant tres n formuler da scrì ora drucan sun l QR-code che ie da udëi sun l julantin. Plu nfurmazions cun nce l PDF dl julantin te na miëura cualità ie da udëi sun la plata in- ternet dl Chemun de Urtijëi.
Rengrazion duc chëi che àjudà pea a mëter a jì chësc proiet y ti mbincion n instà plën de devertimënt a duta la mutans y a duc i mutons y a si families!