La festa di 18 ani ie unida fata a livel de valeda da duc trëi i chemuns n cunlaurazion cun la lia Nëus Jëuni Gherdëina.
I jëuni de 18 ani se à ancuntà ai 5 de nuvëm- ber te si chemun cun i ambolc Christoph Senoner y Roland Demetz, la vizeambolta Martina Comploi y i assessëures per i jëuni. L ti ie unì mustrà la cësa de chemun y l ti ie unì spiega i dërc y i duvieres che n à do i 18 ani. Leprò ai pudù ti cialé ai ufizies di chemuns y nrescì coche l funzionea n chemun, cie che ie n cunsëi, na jonta y nsci inant.
Plu tert se à ancuntà duc i jëuni dla valeda tl local di jëuni de S. Cristina “L Puliné“. Iló fovel nce n coach dl JugendCoaching Giovani y l aucat Ernest Cuccarollo che à spiegà truepa cosses mpurtantes. Daldò iesen mo stac deberieda s'la ciaculan y s'la cuntan pra zeche da maië y da bever.
