A Urtijëi vëniel dai 16 de setëmber nchin ai 5 de nuvëmber inò a s’l dé la scumenciadiva Shop&Art: 31 artisć y artistes de Gherdëina mët ora si opres d’ert te 31 butëighes a Urtijëi.
Ti dé valor ala gran tradizion de scultura tl lën y al’ert de Gherdëina y tl medemo mumënt nce ti fé unëur ala butëighes, truepes che vën nce bele menedes dai ani dala families de nosta valeda. Da sada ai 16 de setëmber nchin a n dumënia ai 5 de nuvëmber puderà chëi che va a spaz tres nosc luech jì a ti cialé ala opres de 31 artisć y artistes de Gherdëina metudes ora tla butëighes y, ciuldì pa no, nce cumpré ite velch de bel. Chëst ann iesen bele ruvei ala terza edizion dl proiet Shop&Art, na scu- menciadiva metuda a jì dal Chemun de Urtijëi deberieda cun la Lia per turism, i Buteghieres y i Artejans de Gherdëina. L ie mpurtant per la cumenanza de n luech cialé de crië na rë danter categuries defrën- tes. Fin dl proiet Shop&Art ie propi chël de lië l’ert da tlo cun l lëur dla butëighes, acio- che sibe la jënt da tlo che nce i seniëures giape ueia de jì a cumpré ite tl luech y posse cunëscer l lëur di artisć y dla artistes. Tla vedrines dla butëighes, ma nce dedite, uniral metù ora scultures, pitures o nstala- zions. Na giuria de esperc chirerà ora la ideies plu garatedes y sibe l artist o la artista che nce la butëiga unirà premiei cun bons da cumpré ite tla butëighes dl luech.
Nce la jënt puderà lité y dì ciuna che ie do si minonga la vedrina o nstalazion plu ga- rateda. Chëi che cumprerà ite te na butëiga che fej pea pra l proiet giaperà na cherta per pudëi dé ju si stima. L sarà nsci nce da garat n pest da pert dl publich per la plu bela opra y culaburazion danter butëiga y artist o artista.
Ti dé na sburdla ala economia dl luech y al lauré deberieda ie l fin dl proiet Shop&Art. Tla fotografia iel da udëi coche i buteghieres debe- rieda cun i artisć y la artistes ova anjenià ca na vedrina l ann passà.