Sëira de nfurmazion y prupostes ai 22 de nuvëmber
L’aministrazion dl Chemun de Urtijëi à metù a jì ai 22 de nuvëmber na sëira de nfurmazion per i zitadins de Urtijëi. Na bela cumpëida se à abinà tla cësa de chemun.
L ambolt Tobia Moroder à saludà duc chëi che ie unic adalerch y à purtà dant i proiec che ie unic fac ti ultimi doi ani y i proiec udui dant tl daunì. Do chësta ntroduzion à i nteressei pudù jì a ti cialé ai ufizies de Chemun che ie unic fac da nuef.
Ti locai fova i assessëures che à purtà dant si proiec. N pudova ti fé dumandes y rujené cun i assessëures. Daldò iel nce unì pità velch da bever y da pesslné.
