L muvimënt dla Lista Unica à abù l gran merit de descedé inò l nteres dla jënt per la politica. L pensier che plej ie chël de pudëi lité sun chemun la persones y nia i partic, de pudëi dì la sia zënza vester lià a disciplines de partit, de pudëi rujené adum de proiec pensan cun si cë y argumentan cun si paroles y nia cun chëles scrites dant da autri. Ti mbince al muvimënt y ai candidac che chësc esperimënt ebe suzes.
— Ivo Malsiner

Uni grupa (sibe i uni che i autri) à debujën de na oposizion che ti jude a tenì ite la mesures y a sté te streda.”
— Vito Miribung

Ie vede a lité,
ie vede gën a lité,
ie vede gën a lité per la Lista Unica.
Per la Lista Unica ie Urtijëi.”
— Tobias Dellago

Enghe sce dalonc da cësa ei tl cuër Urtijëi ulache son cresciuda su.
Lista Unica purtrà te chemun la usc, l ideies y speranzes de i zitadins che se à metù adum senza partic per l bën dl luech. Chesta lista à la forza de n pensier autonom, deguni ti à scrì dant ce dì, fè y pensé.
— Indra Moroder

Me fej scialdi plajëi che na grupa "mescededa" adum te curt tëmp ie stata bona de desceidé inò l nteres per la politica a Urtijëi. N aud inò rujenan de politica, nia mé bruntlan! Mi plën sustëni a chësta iniziativa!”
— Pauli Wanker

Ie ue jì a lité persones a chëles che ti é crëta, zënza che les muessa ti jì do a ideies o a ndicazions dl partit"
— Alex Delucca

Me plej che cun la lista unica possen lité per l ambolt cun si idees y nia cun chëles dl partit pra chël che l ie.”
— Simon Delazer

Ulësse sustenì vosta lista unica, ajache son dla minonga che per lauré te n chemun ne dëssen nia fé pert pra n partit. Sibes che sun n post de lëur o te na lia ne ie nce deguni che fej pert pra n partit, ulache n muessa belau vester for dla medema minonga di autri. Zënza partit possen rujené pea cun si idees persuneles y se rujené democraticamënter danter la persones. Y chël ie da me ora l suzes de na mpreja, de na lia y nce de n chemun.”
— Heidi

Ich mag den Leitgedanken der parteilosen Politik. Ein parteiloses Gemeindeoberhaupt kann sich für die Interessen seiner Mitbürger einsetzen, ohne sich den Forderungen seiner Fraktion unterwerfen zu müssen. Die Lista Unica ist somit der einzige Schritt Richtung Umschwung, Bürgernähe und Transparenz.”
— Milena Santifaller

Ie sustënie la lista unica ajache son per na politica trasparënta y tlera, cun cumëmbri che lëura cun ideal y mpëni per l bën dla cumenanza, tulan n cunscidrazion i bujëns dla jënt.”
— Sofia Stuflesser

Per la lista unica, fata da persones che ie chiere ora y che ne vën nia crisses ora da n partit per mé, acioche les porte inant si y mi idieies, cun determinazion y condivijion.”
— Monika Senoner

Ënghe ie pënse che la miëura dezijions vën tëutes canche l vën pensà do cun si cë, zënza messëi se tenì a chël che n partit te mët dant."
— Silvia Moroder

Lista unica? Povester iel ënghe mé n esperimënt… mpurtant ie crëier y purvé!”
— Bruno Walpoth

La politica de chemun muessa unì da lajù su y nia da lassù ju.”
— Patrick Obletter

A livel de Chemun dëssa la politica unida fata da persones, a chëles che ti stà a cuer l bën dl luech y che respetea i debujëns de duc i zitadins, zënza che i sibe liei a na politica de partit.”
— Dieter Demetz

Bele dan n grum de ani me ëssi mbincià de pudëi lité ite la persones singules te Chemun, unfat de ciun partit. L'iniziativa me plej, ma muessa mo unì capida da chëi che taca pra l chitl de n partit.”
— Engl Colcuc

Das nach Parteien zu wählen zwingt uns, Menschen in Kategorien einzuteilen und schränkt die FREIE AUSWAHL wesentlich ein. Wenn man mit offenen Augen und Ohren in einem DORF lebt, hat man das Bedürfnis Menschen zu wählen, die man kennt, schätzt und denen man traut ein führendes bzw. leitendes Amt zu übernehmen. Eine Einheitsliste wäre somit in meinen Augen das Ideal einer guten Auswahlmöglichkeit.”
— Matthäus Crepaz

Gran mpëni y forza de ulentà per arjonjer la miëura soluzions. Chësc desmostra la “unica” de purté dant sun Chemun per duta la populazion.”
— Christian “Stl” Holzknecht

Ie sustënie la Lista Unica, ajache rate che cun plu culëures possen depënjer plu n bel cheder che mé cun un.”
— Katherina Obletter

Lauré tla politica per l bën dla cumenanza y nia per nteresc privac."
— Helene Demetz

La persona al zënter dla vita"
— Cristian Ongaro

Per purté innovazion te nosc luech iel dantaldut debujën de PERSONES eterogenes che se gëura a ideies y soluzions nuevs.”"
— Julia Moroder

Me plej l’idea dl partit unico zënza partic.”
— Martina Pasolli

Sun l program de vela ova la Lista Urtijëi dan n 5 ani scrit: "Son per na democrazia plu liedia dai partic y perchël sons per una sëula lista sëurapartitica pra la proscima veles". Tole l’ucajion de rengrazië la grupa de lëur y i 27 candidac dla Lista Unica. L sarà na streda nia for saurida da jì. Spere che i litadëures ve debe la forza de tré tres chël che ve ëis tëut dant. ”
— Martina Goller

Davia che nosta sozietà ie al mumënt te na fasa de mudazion, possa na lista unica reprejenté miec i debujëns y nteresc de DUC i zitadins.”
— Milena Holzknecht

Sënti tl'aria na energia nueva, na energia positiva, n'autra maniera de fé y de vester. Dut chësc ie la Lista Unica, fata da persones per nosc daunì.”
— Ivan Peristi

L ie bel a audì de nueva ujes y son segur che nuef impulsc y vijions purterà scialdi al luech de Urtijëi. Ti ultimi ani se à Urtijëi, sciche l mond, dassënn mudà y te truep ciampes à Urtijëi mustrà n bon svilup. Te d’autri ciamps iel mo truep da miuré y tlo se fajeran dessegur plu saurì cun de nueva manieres de pensé y de nuef contribuc. Ie son Per la Lista Unica, acioche Urtijëi giape de nuef impulsc per jì inant cun de nueva ideies, cun i piesc sun fonz per na streda sustenibla, per l daunì de duta la jënt de Urtijëi. Ie dajeré mi stima a chiche me stimi!”
— Diego Senoner dla Tinderla

La Lista Unica me sà na bona idea per miuré l nteres y la crëta dla jënt tla politica.”
— Stefan Piccolruaz

Chësc ne ie nia mesun…
Dij la tëma!
Chësc ne à degun Fin…
Dij la melsegurëza!
L pudëssa vester n risiko
Dij vel’ un
Purvon ma!
Dij l cuer!
Purvon a ti dé la crëta ala Lista Unica”
— Pallua Flavio y Kostner Astrid

Unterstützer - Gemeinsam am gleichen Strang ziehen!