20.08 La Lista Unica ti plans de Cunfin

Per l prim iede ie chëst ann unida metuda a jì la jita da d’insta dla Lista Unica. Unic pea ie na bela cumpëida de cunselieres y de simpatisanc. L moster dal’ega Christian Stuffer nes à lascià udëi una de nosta richëzes plu mpurtantes, ma che unitant sotvalutons: la funtanes de Cunfin.
L’ega ie la basa dla vita y te Gherdëina pudons vester cuntënc che on la fertuna de avëi na tel bona ega da bever. Christian nes à spiegà trueps details n cont dl raion de scunanza, desmustran na gran prufesciunaltà. Daldò ie la grupa mo jita inant, tlaman pra la utia Rauch per se maië na bona marënda. A n auter ann!