Bele 10 ani iel ca che la cësa per Jëuni, Ert y Cultura tl zënter de Urtijëi a giauri si portes ti dajan lerch nueva ala Lia Mostra d’Ert, ala Mujiga de Urtijëi, al Fotoclub Gherdëina y ala Nëus Jëuni Gherdëina per ji do a si ativita.
N gra de cuer ti va a duc chëi che cun gran mpëni
se a dat ju nsci che la cësa, che cun mujiga, cultura, ert y junëza ie plëina de vita, ie unida a se l dé y ti da a n grum de jënt na lerch per sté deberieda. Cun legrëza ulëssa la cater lies nvië duta la populazion n sada ai 11 de nuvëmber dala 10
danmesdi inant a festejé pea chësc aniverser. N chësta ucajion sunera la Böhmische de Urtijëi y i Balarins de Urtijëi purtera dant si bai nvian duc a balé pea. La pert ufiziela scumencera dala 11 y 11, cun saluc ufiziei da pert dl’autoriteies da śën y da
ntlëuta y pona cialeran zeruch ai ultimi ani tres fotografies da ntlëuta y da śën. Cun mujiga, velch da maië y da bever jira la festa inant fin domesdi via. Da sëira nvieia mo la Lia Mostra d’ Ert a n cunzert n ucajion dla festa di 10 ani.
(Ora dla “Plata de Gherdëina”)
