Janpiere Prugger
29 Jahre, Bankangestellter, Gemeindereferent
Son Janpiere Prugger de Urtijëi, mut de Gregor Prugger y Lidia Bernardi y é 30 ani. Do avëi stlut ju i studi tl ciamp dl’economia y dla finanza sons da cater ani incà che lëuri te na banca privata. Sëuraprò sons dal 2020 incà nce te jonta de Chemun coche asssessëur per l sport, per i jëuni, per l cantier de chemun y per l palé nëif. Davia che l ie na esperienza dassënn positiva y per purté a piz chël che on scumencià, ei tëut la dezijion de me mëter inò a despusizion per la veles de Chemun. Per l sport me mpëni a jì inant cun i proiec per i mutons, a mëter a jì l skatepark cun na plaza per i jëuni ora dal Kelder y la plaza dala dlacia nueva via n Setil sot al tët dl cantier de Chemun. Cun chisc proiec possen ti pité plu pusciblteies ai mutons y ai jëuni per fé sport, se ancunté y avëi na hez, na cossa scialdi mpurtanta al didancuei. Leprò me mpëni a jì inant cun l proiet de n raion dal sport nuef ta Mulin da Coi. N cunlaurazion cun i autri Chemuns dla valeda dëssa chësc proiet deventé na priorità per pudëi pité na nfrastrutura moderna y adateda per duta la lies dal sport. Dal Taschler ulache ie śën l ciamp dal palé se lascëssa nsci pona fé na palestra, na cësa di studënc y na mensa. Per chël che reverda l’economia ulëssi che l sibe n bon balanz danter turism y l’autra ativiteies economiches dl luech. L ie de gran mpurtanza mantenì na sozietà che ie stizeda sun plu seves, coche l ndustria, l cumerz y l artejanat. Duc dëssa pudëi dì la sia y deberieda vëniel cris ora la miëura streda per ti cialé a na maniera costrutiva y positiva a nosc daunì.