Do mënsc che ti son stac do, patian l sistem burocratich y zentralisà de Roma, ons finalmënter giapà la deroga per l’omologazion dl ciamp dal palé tla streda “Tresval”. Chësc documënt ti dajerà ai trueps jëuni dl FC Gherdëina la puscibltà de pudëi scumencé l campionat a livel de Lega (per l VSS ne iel nia debujën de na omologazion). Dantaldut per la prima scuadra dl FC Gherdëina, che jughea te Segonda Categuria, iel fundamentel avëi na sënta alternativa a Mulin da Coi.
Ntant ie l Chemun bele tl lëur de lauré de viers dl ciamp sintetich nuef. Tosc nvieran tres cuncors i architec per planifiché l derturamënt dl mplant tla via Tresval. D’ansciuda, pernan che l campionat sarà finà, sperons de pudëi scumencé cun i lëures.
Rengrazion l FC Gherdëina per la cunlaurazion.
Dessot: l’omologazion, che puderà pona do i 90 dis unida slungeda nchin a n mascimo de n ann.
