N ucajion dla 100ejima edizion dl Giro d’Italia pudrà Urtijëi avëi l unëur de ti pité a duc i apasciunei de ziclism n travert de tapa. Ai 25 de mei saral tan inant y ntant lëura l’urganisazion, cun a cë l’azienda y si diretëura Beatrix Insam, inant acioche ai 25 de mei sibe dut njenià.
Na manifestazion sportiva mpurtanta che faherà unì adalerch n grumon de persones per fé tifo alla “Maglia Rosa” y a duc i autri. Per chëla ucajion dajerà nce i sculeies na man. Tla sala jubas dla Cësa de Cultura “Luis Trenker” unirà metui ora 100 dessënies y 100 temesc scric di sculeies dla Scoles Mesanes de Gherdëina.
La mostra giaurirà bele n mëns dan l travert de tapa.
Sun la foto: L dessëni de Sofia Mauroner mandà ju n “anteprima” ala Gazzetta dello Sport
