L Chemun à ancuntà, n sada domesdì, n cunlaurazion cun la Nëus Jëuni, i jëuni dl ann 1997. Chisc à cumplì 18 ani tl 2015, ma per la gaujes che duc savon, ie chësta festa po unida sburdleda a jené. Inier domesdì a i jëuni pudù se ancunté dla Saut, ulache Aaron Moroder y Christian Pescoll ti à cuntà n valguna cosses sun si atività. Dala 17 iesi pona muec inant de viers de Chemun. Do la paroles de reflescion de Seniëur Digan Vijo Pitscheider, i à pona l ambolt Tobia Moroder saludei, ti spiegan a na maniera frëscia i dërc y la respunsabltà de uni zitadin. Tëut la parola à nce l delegà ai jëuni Ivan Senoner y l cunselier David Rifesser. Chisc à nce metù a jì n quiz sun Urtijëi. Prejënt fova nce l reprejentant de Sureghes, Patrick Bergmeister. Ënghe ël à dat l benunì a duc i jëuni. Fineda via ie la sëira cun de bon crafuncins, na "giama de purcel" da na gran sëur y n bon tiramisù ite dala utia "Pauli".
N de gra ala Nëus Jëuni per avëi judà a mëter a jì, a Pauli Demetz per avëi sponsorisà l pest dl quiz y a Flavio Bernardi per avëi fat la pultredes.
